بۆ جاری دووه‌‌م "کاوه‌ عه‌زیزپوور" به‌ندكراوی سیاسیی، له‌ "مه‌هاباد" ده‌ستگیر كرایه‌وه

‌ خه‌بات: ئه‌مڕۆ چوارشه‌ممه‌-15-ی ره‌شه‌مه‌، بۆ جاری دووهه‌م " کاوه‌ عه‌زیزپوور" به‌ندیی سیاسیی له‌ شاری "مه‌هاباد" ی رۆژهه‌ڵاتی کوردستان له‌ نه‌خۆشخانه‌ی ئه‌م شاره‌ به‌سته‌ری کرا و ئێستاش له‌ باردودۆخێکی ناله‌باردایه‌.

 جێگای وه‌بیرهێنانه‌وه‌یه‌ که‌: کاوه‌ عه‌زیزپوور کوڕی "عومه‌ر" ته‌مه‌ن-25-ساڵ خه‌ڵکی ئاوایی "دریاز" ی شاروێرانی مه‌هاباد، که‌ دوو ساڵ و نیو له‌مه‌وبه‌ر له‌لایه‌ن ده‌زگای اطلاعاتی شاری مه‌هاباده‌وه‌ به‌ تۆمه‌تی هه‌ڵبه‌ستراوی هاوکاریی له‌گه‌ڵ حیزبه‌ کوردستانییه‌کان ده‌ستگیر و زیندانیی کرا و، ئێستا به‌هۆی ئازار و ئه‌شکه‌نجه‌ی زۆری شکه‌نجه‌گه‌رانی اطلاعات، له‌ بارودۆخێکی ته‌ندروستیی زۆر دژوار و مه‌ترسیداردا ده‌ژی.

  ناوبراو پاش ده‌ستگیرکرانی، به‌هۆی ئازار و ئه‌شکه‌نجه‌وه‌ سه‌ری زه‌ربه‌ ده‌بینێ و ئه‌وه‌ بۆ جاری دووهه‌مه‌ که‌ عه‌مه‌لی جه‌ڕاحی بۆ ده‌کرێ. به‌ وته‌ی دوکتۆره‌کان، کاوه‌ عه‌زیزپوور به‌هۆی شۆکی کاره‌بایی که ‌له‌سه‌ری دراوه‌، تووشی نه‌خۆشییه‌کی مه‌ترسییداری مێشک بووه‌.

  داوا له‌ ناوه‌ند و کۆڕ و کۆمه‌ڵه‌ به‌شه‌ردۆسته‌کانی سه‌رتاسه‌ری جیهان ده‌که‌ین که‌ به‌رامبه‌ر به‌م تاوانه‌ی کاربه‌ده‌ستانی "کۆماری ئیسلامیی" که‌ ده‌رحه‌قی لاوێکی بێتاوانی کوردستان ئه‌نجام ده‌درێ، بێ ده‌نگ نه‌بن و ناڕه‌زایه‌تیی خۆیان ده‌رببڕن.

 بۆ زانیاریی زیاتر له‌م باره‌وه،‌ پێوه‌ندیی به‌م ژوماره‌ ته‌له‌فوونانه‌وه‌ بکه‌ن:

 برای کاوه‌ عه‌زیزپوور:

 موبایل : 009647701361123

            : 009647501128474

            : 0046765128474

 سپاس بۆ به‌ده‌نگه‌وه‌ هاتنتان