ماڵپه‌ڕی یه‌کشه‌وه‌

یارمه‌تییه‌کانتان


به‌ڵگه‌ نامه‌

ڕاگەیەندراوی (ڕێکخراوی خەبات) لەسەر کارەساتی بوومەلەرزە لە ڕۆژهەڵات و باشووری کوردستان
ڕاگەیەندراوی (ڕێکخراوی خەبات،ی شۆڕشگێڕی کوردستان) لەسەر کارەساتی بوومەلەرزە لە
پەیامی کومیتەی ناوەندیی ڕێکخراوی خەبات،ی شۆڕشگێڕی کوردستان بە بۆنەی بیستەمین ساڵی کۆچی دوایی مامۆستای ڕێبەر، مامۆستا خدر عەبباسیی
پەیامی کومیتەی ناوەندیی ڕێکخراوی خەبات،ی شۆڕشگێڕی کوردستان بە بۆنەی بیستەمین ساڵی
پەیامی سەرەخۆشیی ڕێکخراوی خەبات،ی شۆڕشگێڕی کوردستان بە بۆنەی کۆچی دوایی مامۆستا عەلی عەبدوڵڵاوە
به‌ نێوى خوداى به‌خشنده‌ى مێهره‌بان   بەڕێز مەکتەبی سیاسیی پارتی دێموکڕاتی
پەیامی سەرەخۆشیی (ڕێکخراوی خەبات) بۆ کۆچی دوایی دکتۆر شوان قەڵادزەیی
پەیامی سەرەخۆشیی (ڕێکخراوی خەبات) بۆ کۆچی دوایی دکتۆر شوان قەڵادزەیی   به‌ نێوى

به‌ نێوى خوداى به‌خشنده‌ى مێهره‌بان

 

بەڕێز مەکتەبی سیاسیی پارتی دێموکڕاتی کوردستان!

سڵاوی ئێمەتان لێبێ!

هەواڵمان بیست کە بە داخەوە ئەمڕۆ ٢٤ی ئۆکتۆبر مامۆستا عەلی عەبدوڵڵا یەکێک لە دامەزرێنەران و سکرتێری پێشووتری پارتەکەتان کۆچی دوایی کردووە. بەو بۆنە خەمهێنەوە سەرەخۆشیی گەرمیی خۆمان لە ئێوەی بەڕێز و لە ڕێگەی ئێوەشەوە لە بنەماڵەی سەربەرزی مامۆستا عەلی و تێکڕای ئەندام و لایەنگرانی پارتی دێموکرات دەکەین و خۆمان بە شەریکی خەمتان دەزانین.

 

مامۆستا عەلی عەبدوڵڵا خەباتگێڕی خەڵکیی و خاکیی و، پێشمەرگەی پشوودرێژ و سەرکردەی ناسراوی گەلەکەمان یەک لەو تێکۆشەرانە بوو کە هەر لە مێرمنداڵییەوە هاتۆتە ڕیزی خەبات و لە دامەزراندی پارتی دێموکڕات و تێکڕای قۆناغە سەختەکانی خەباتی ئەو حیزبەدا جێدەست و دەوری دیاری هەبووە. بێگومان لەدەستچوونی ئەو خەباتگێڕە دڵسۆز و بەئەزموونانە، بە تایبەتییش لە گەرمەی خەبات بۆ دابینکردنی مافە ڕەواکانماندا، بە خەسار بۆ بزووتنەوەی مافخوازانەی نەتەوەکەمان دەژمێردرێن و بە ئاسانیی جێگەیان پڕ نابێتەوە.

جارێکی دیکە بە بۆنەی ئەو کۆستەوە سەرەخۆشیی و هاوخەمیی خۆمان بۆ ئێوەی بەڕێز و بنەماڵەی مامۆستا عەلی و نەتەوەکەمان و هەموو خەباتگێڕانی گەلەکەمان دووبارە دەکەینەوە. لە خودای گەورە داوای لێخۆشبوون بۆ مامۆستای کۆچکردوو دەکەین و، داوا دەکەین پاداشی نزیک بە حەوت دەیە ڕەنج و خەبات و ماندووبونی بداتەوە و ڕێگەی خەباتی ئاوەدان ڕاگرێ.

انا للە و انا الیە راجعون

 

ڕێکخراوی خەبات،ی شۆڕشگێڕی کوردستان

کومیتەی ناوەندیی

٢ی خەزەڵوەری ١٣٩٦ی ک. هـ

(٢٤/١٠/٢٠١٧ی ز)