ماڵپه‌ڕی یه‌کشه‌وه‌

یارمه‌تییه‌کانتان


به‌ڵگه‌ نامه‌

ڕاگەیەندراوی (ڕێکخراوی خەبات) لەسەر کارەساتی بوومەلەرزە لە ڕۆژهەڵات و باشووری کوردستان
ڕاگەیەندراوی (ڕێکخراوی خەبات،ی شۆڕشگێڕی کوردستان) لەسەر کارەساتی بوومەلەرزە لە
پەیامی کومیتەی ناوەندیی ڕێکخراوی خەبات،ی شۆڕشگێڕی کوردستان بە بۆنەی بیستەمین ساڵی کۆچی دوایی مامۆستای ڕێبەر، مامۆستا خدر عەبباسیی
پەیامی کومیتەی ناوەندیی ڕێکخراوی خەبات،ی شۆڕشگێڕی کوردستان بە بۆنەی بیستەمین ساڵی
پەیامی سەرەخۆشیی ڕێکخراوی خەبات،ی شۆڕشگێڕی کوردستان بە بۆنەی کۆچی دوایی مامۆستا عەلی عەبدوڵڵاوە
به‌ نێوى خوداى به‌خشنده‌ى مێهره‌بان   بەڕێز مەکتەبی سیاسیی پارتی دێموکڕاتی
پەیامی سەرەخۆشیی (ڕێکخراوی خەبات) بۆ کۆچی دوایی دکتۆر شوان قەڵادزەیی
پەیامی سەرەخۆشیی (ڕێکخراوی خەبات) بۆ کۆچی دوایی دکتۆر شوان قەڵادزەیی   به‌ نێوى

بۆ فریشتەکەی کۆبانێ

ئایلان!
بەرخۆله بێ نازکەوتووکەی 
شاره جوانەکەی کۆبانێ 
هەستەوه !
هەتاکەی تۆ دەم و دەسته بچکۆلەکەت 
له گۆی مەمکی شەپۆلەکانی کەناری
ئەم دەریایه ناکەیتە؟
هەسته گوڵم!
دیمەنی دڵتەزێنی تۆ
سەرتاپا جیهانی هەژاند،
دەرگای کۆشکی دڵڕەقەکان
بە ڕووی گشت ئاوارەکانی
ڕۆژهەڵاتی ناوەڕاستا
له بناغەوه لێک هەڵتەکاند.
ئایلان!
هۆ فریشتەکەی کۆبانێ !
ئاسمان
چیتر بەرگەی تێڕامانی مەزڵومییەتی تۆ ناگرێ.
ده ریا
خەریکه به ناخی زەویدا ئەچێته خوار و
ئارەقەی شەرمەزاریی ئەسڕێ
لەوەی که فریشتەێکی وەکوو تۆی ڕفاند،
وا شەق ئەبا و
خەریکه ورگی خۆی ئەدڕێ.

ده هەستەوه !
فریشتەکان چاوەڕێتن
لەم خەوی خەڵوەته ڕابه و
سکاڵای گەلێکی مەزڵووم 
بۆ بەردەم بارەگای خوا به.
بڵێ: پەروەردگارەکەم!
ئێمه ئەوانمان خۆش ئەوێ 
بەڵام ئەوان زۆر دڵڕەقن 
هەموویان لێمان بەقینن .
بڵێ: ئێمه بەندەی تۆین 
ئەوان دێن و سەرمان ئەبڕن 
له لای ئەوان کورد بێدینن .
بڵێ: ئێمه لەوەتی هەین
پەنجەمان بۆ خاکی هیچ کەس نەبردووه.
کەچی ئەوان لەوەتای هەن
له هەرچوارلا
هەر ئەڵێی گورگ و دڕندەن
هەر یەکەو بەشی خۆی ئەبەن
تەنانەت بستێک له خاکی 
خۆشمان پێ ڕەوا نابینن.
. . . .

ئیسماعیل مەحموودی
۵/ ۹ / ۲۰۱۵